Rov pib dua > Povhwm Kev Poob Haujlwm > Kake qhia txog thov nyiaj poob haujlwm >Yuav thov nyiaj poob haujlwm li cas

YUAV THOV NYIAJ POOB HAUJLWM LI CAS

UCB-10478-H-P (R. 11/2008) Taw thiab nias qhov no yog xav luam diam ntawv tawm los (PDF)

Thaum twg thiaj thov tau thiab yuav thov li cas

Yuav npaj dabtsi ua tej koj hu thov

Yuav ua li cas yog koj tsis muaj txoj kab xovtooj nias lej

Yuav hu rau leejtwg yog koj muaj lus nug lossis xav txais kev pab

Tom qab koj thov ua daim ntawv nyiaj poob haujlwm tas lawm

Tus nqi nyiaj haujlwm koj yuav tsum muaj txaus ua tej koj txais tau kev pab txoj ntawm nyiaj poob haujlwm

Sijhawm ua haujlwm thiab tej xovtooj

---

Kev Thov Nyiaj Poob Haujlwm

Koj yuav tsum hu thov txhua zaum yog xav tau cov nyiaj poob haujlwm no. Nyiaj poob haujlwm nyob rau lub xeev Wisconsin yuav tsum yog hu xovtooj lossis Internet thov xwb. Txawm hais tias koj khiav mus nyob dua ib lub xeev lawm los koj tseem muaj cai hu thov tau tibsi.

NPAJ COV NTAUB NTAWV HAUV QAB NO KOM TXHIJ UA TEJ KOJ HU THOV NYIAJ POOB HAUJLWM:

• Social Security Nawj Npawb.
  
  
• Xaiv plaub tus nawj npawb tsis muaj leejtwg paub (Personal Identification Number - PIN).  Koj tus nawj npawb no yuav qhia rau peb paub tias yog koj tiag thaum koj hu tuaj.  Siv tib tus nawj npawb no thaum hu xovtooj lossis siv Internet thov nyiaj poob haujlwm.  Xaiv plaub tus nawj npawb uas koj nco tau yoojyim.  Yog koj tsis nco lossis xav hloov dua tus nawj npawb tshiab thov hu tuaj rau ib tus nawj npawb xovtooj nyob rau sab ntawv tom tej no es nias nawj npawb 4 thaum lub suab teb koj.
  
  Tsis txob qhiab tus nawj npawb no rau leejtwg paub li!
  
  
• Koj tus Wisconsin Driver's License Nawj Npawb yog tias koj muaj.
  
  
• Muab cov npe neeg uas koj tau ua haujlwm rau lawv 18 lub hlis dhau los. Ntawm cov tswv num no, koj yuav tsum tau lawv chaw nyob, xovtooj, vim li cas koj thiaj tsis ua haujlwm rau lawv lawm thiab thawj hnub thiab hnub xaus ua koj ua haujlwm rau lawv.
  
  
• Koj tus nawj npawb ntawd daim npav ntsuab yog tias koj tseem tsis tau yog US Citizen.
  
  
• Npe thiab nawj npawb xovtooj ntawd koj tus union hall yog tias koj yog ib tus union member.

THOV TAU NYOB RAU HAUV ON-LINE (MUAJ HAIS LUS ASKIV XWB): http://unemployment.wisconsin.gov

SIV LUB XOVTOOJ MUAJ COV NAWJ NPAWJ NIAS HU:

Madison	608-232-0678
Milwaukee	414-438-7700
Toll-Free	1-800-822-5246
TTY (Hu dawb)	1-888-393-8914
(xovtooj rau tibneeg lagntseg, tsis hnov lus zoo, lossis hais tsis tau lus)

Thaum koj hu tuaj yuav hnov ib lub suab kaw teb koj. Lub suab ntawm yuav nug thiab qhia koj kom nias tus nawj npawj twg thiaj kaw tau koj cov lus thov tseg.

Koj yuav tsum nias tus 1 thiaj li yog thov nyiaj poob haujlwm. Tom qab koj teb lawv cov lus nug tag, yuav muaj ib tus tibneeg los nrog koj tham rau qhov xaus.

• Thov raws li sijhawm hauv qab no:

Sunday	9:00 AM - 5:00 PM
Monday-Friday	6:00 AM - 7:00 PM
Saturday	9:00 AM - 2:30 PM

• Muaj tibneeg ua huajlwm nyob txais tos pab raws sijhawm hauv qab no:

Monday-Friday

7:45 AM - 4:30 PM

SIV TIB TUS NAWJ NPAWB XOVTOOJ HU YOG TIAS KOJ ROV QAB THOV NYIAJ POOB HUAJLWM DUA TSHIAB:

Koj yuav tsum thov dua thaum:

• Koj tsis tau thov lawm tiamsis xav rov pib thov dua tshiab.
  
  

• Koj thov tsis raws sijhawm (tshaj 14 hnub lawm) rau lub limtiam uas koj tsis muaj haujlwm ua thiab lub suab teb koj thaum koj hu thov hais tias tsis muaj nyiaj poob huajlwm rau lub limtiam uas koj thov ntawm.

Nco Ntsoov…
Nyiaj poob haujlwm pib lub limtiam koj hu thov. Tsis txhob tos lub limtiam dhau lawm mam hu thiaj txais tau nyiaj poob haujlwm rau lub limtiam uas koj tsis muaj haujlwm ua!

YOG VIM LI CAS PEB THIAJ YUAV TSUM TAU KOJ TUS NAWJ NPAWB SOCIAL SECURITY:

Txoj cai los ntawm Federal Social Security hais tias koj yuav tsum muab koj tus nawj npawb no rau peb. Tus nawj npawb no yuav qhia tias yog koj tiaj thaum koj hu tuaj. Tsis tam li ntawm peb yuav siv tus nawj npawb no los qhia seb koj puas yuav txais tau nyiaj poob haujlwm. Yog koj tsis muab koj tus nawj npawb no thuam koj hu tuaj, peb yuav pab tsis tau koj.

TSIS MUAJ LUB XOVTOOJ NIAS NAWJ NPAWB YUAV UA LI CAS?

Yog koj tsis muaj txoj hlua xovtooj uas muaj cai nias nawj npawj tiamsis koj muaj lub xovtooj uas nias tau cov nawj npawj, koj muab tus tes hloov qhov "tone-to-pulse" mus rau qhov "pulse" ua ntej koj hu. Thaum lawv teb, koj yuav tsum muab hloov rov qab mus rau "tone" koj thiaj li yuav siv tau. Yog koj muaj lub xovtooj uas yuav tau kiv xwb los hu tuaj ib tus tibneeg mam teb pab koj.

MUAJ LUS NUG? XAV TXAIS KEV PAB?

Hu thaum 7:45 AM - 4:30 PM, hnub Monday - Friday nrog rau cov tibneeg ua haujlwm pab koj:

Madison	608-232-0824
Milwaukee	414-438-7713
Hu dawb	1-800-494-4944

Hu mloog cov lus kaw tseg hais txog thov nyiaj poob haujlwm raws li sijhawm hauv qab no:

Sunday	9:00 AM - Midnight
Monday - Friday	1:00 AM - Midnight
Saturday	1:00 AM - 3:00 PM

XAV TXAIS KEV PAB SAI:

Txhua hnub Monday peb tus xovtooj no tibneeg hu tauj coob heev (busy). Zoo tshaj yog tias koj hu tuaj raws li cov sijhawm los ntawm no, Tuesday - Friday, 8:30 AM - 11:30 AM lossis 1:30 PM - 4:00 PM..

---

Ua li cas ntxiv thiab?

TOM QAB KOJ HU THOV NYIAJ POOB HAUJLWM TAS LAWM:

• Koj yuav tau txais ib phau ntawv thiab ib tsab ntawv qhia txog kev thov nyiaj.
  
  
• Yog tias koj tsimnyog txais cov nyiaj poob haujlwm, tsab ntawv yuav qhia koj paub hais tias koj yuav tau nyiaj ib zaug npaum li cas.
  
  
• Yog koj tsis tsimnyog txais cov nyiaj no, tsab ntawv yuav qhia koj vim li cas koj thiaj li tsis tau.

THOV NYIAJ POOB HAUJLWM TXHUA LUB LIMTIAM:

Koj yuav tsum hu txhua lub limtiam koj thiaj li yuav tau koj daim check (nyiaj poob haujlwm). Cov nyiaj poob haujlwm no pib rau hnub Sunday los xaus rau hnub Saturday. Hu mus thov tom qab hnub xaus ntawm. Muaj ib lub suab kaw yuav teb pab koj.

Madison	608-261-9990
Milwaukee	414-438-5395
Toll-Free	1-800-978-7887
Sunday	9:00 AM - Midnight
Monday - Friday	1:00 AM - Midnight
Saturday	1:00 AM - 3:00 PM

THAUM TWG MAM LI TAU TXAIS THAWJ DAIM CHECK (NYIAJ POOB HAUJLWM)?

Feem ntau koj thawj daim check nyiaj yuav tuaj txog rau koj tom qab ob lub limtiam uas koj hu thov.

PUAS TSIMNYOG TAU NYIAJ POOB HAUJLWM:

Luj Lub Sighawm Ua Haujlwm

Cov nyiaj them koj lub nqi dag zog los ntawm lub sijhawm koj ua huajlwm yog cov nyiaj yuav muab los luj saib koj puas tsimnyog tau nyiaj poob huajlwm (UI Benefits) thiab yuav them npaum li cas rov rau koj. Koj lub sijhawm muab los luj yog thwaj 12 lub hlis rau yav 15 lub hlis uas koj tau ua hawjlwm dhau los ua tej koj hu thov cov nyiaj poob haujlwm no. Yog koj cov nyiaj ua haujlwm niamno tsis txaus los luj lub sijhawm no peb mam li siv ib lub sijhawm uas koj tau ua haujlwm muaj 12 lub hlis los luj ua them nyiaj poob haujlwm.

Luj Nyiaj Nrog Txhua Lub Limtiam

Ib lub limtiam twg lawv yuav muab 4% ntawm koj cov nyiaj ua huajlwm uas koj tau txais yav 3 lub hlis (1 quarter) dhau los luj rov them koj. Yog luj tus qis tshaj plaws ces tau ib lub limtiam twg yog $54, yog luj tus qis siab tshaj plaws ces ib limtiam twg yog $363.

Nqi Nyiaj Los Luj Saib Puas Tau Nyiaj Poob Huajlwm

Koj yuav tsum ua haujlwm thiab tau txais nyiaj ua nqi dag zog 6 lub hlis dhau los mam lawv thiaj yuav muaj tus lej luj them rov rau koj. Koj yuav tsum muaj li no:

• Koj tau txais nyiaj ua haujlwm 12 lub hlis (4 quarters) dhau los xam tag nrog tsis pub tsawg tshaj $1,890 thiaj mam muab los ua tus lej luj rau koj;
• Tus lej uas koj ua haujlwm es tau nyiaj ntau tshaj plaws rau yav 3 lub hlis (1 quarter) dhau los yog $1,350;
• Tus lej uas koj tau txais nyiaj tsawg tshaj plaws yav 9 lub hlis (3 quarters) dhau los yog $216; thiab
• Yog hais tias koj twb thov cov nyiaj no thiab twb siv tag xyoo lawm, koj yuav tsum rov pib ua haujlwm thaum xyoo tshiab ntawd los kiag thiab tau nyiaj nqi dag zog tsawg tshaj yuav tsum yog 8 npaug ntawm koj cov nyiaj poob haujlwm.

Cov Nyiaj Them Siab Tshaj

Ib xyoo uas muaj 52 lub listiam uas koj tau txais nyiaj ua nqi dag zog yog tus nawj npawj siab tshaj plaws uas lawv muab luj rau koj, nws yuav tsum sibluag raws li hauv qab no:

• 26 npaug ntawm koj cov nyiaj poob haujlwm ib limtiam twg; lossis
• 40% los ntawm koj cov nyiaj nqi dag zog uas koj tau ua haujlwm, yog qhov twg tswag tshaj yuav siv qhov ntawm.

---

DWD yog ib lub koom haum pab tibneeg thiab pub txoj cai sibluag rau txhua tus. Yog koj xav txais kev pab vim koj yog ib tus tibneeg kws muaj mob loj (disable) thov hu tuaj rau tus xovtooj 608-267-8997 lossis TTY 888-393-8914.

State of Wisconsin
Department of Workforce Development
Unemployment Insurance
Bureau of Benefit Operations
P.O. Box 7905, Madison, WI 53707